noticias

Noticias

| Compartir |

Un seminario aberto recorda a Cuba dos anos 60 dende a perspectiva da historia, a cultura e a revolución

O encontro comezou coa presentación do libro Nicolás Guillén y el son entero: visiones desde el siglo XXI

06/06/2018

De esquerda a dereita: Pilar Cagiao Vila, Ana Gloria Chouciño e Juan Blanco. Foto: Rosalía QuirogaOs grupos de investigación Galabra e HistAmérica organizan o seminario aberto ‘Cuba, anos 60: Historia, cultura e revolución’. Celebrouse este martes 5 de xuño no Salón de Actos da Facultade de Filosofía coa colaboración da Consellaría de Cultura e da Cátedra de Cultura Cubana ‘Alejo Carpentier’ da USC.

O seminario comezou coa presentación do libro Nicolás Guillén y el son entero: visiones desde el siglo XXI a cargo da directora da Cátedra de Cultura Cubana, Ana Gloria Chouciño, e do director do Servizo de Publicacións da USC, Juan Blanco. O volume realiza un labor “exexético  da obra de Guillén e reflexiona sobre o papel da poesía como canle privilexiada do rexistro de feitos non só estéticos, senón tamén históricos, políticos e sociais”. No libro participan convidados poetas e críticos de España, Cuba e estados Unidos con encargo de reler os versos ‘guilleneáns’ dende varias perspectivas, “poéticas, ensaísticas, persoais ou inferidas, artísticas ou analíticas”. Guillén publicaba El son entero en 1947, estando considerada “unha obra clave na produción literaria latinoamericana do século XX e que mostra de modo singular a esencia da cultura cubana”. 

Logo da presentación, M. Carmen Barcia Zequeira, da Universidade da Habana, impartiu a conferencia inaugural do encontro co título ‘Memoria dunha universitaria nos anos sesenta’. De inmediato, Andrea Alcántara Janeiro, de HistAmérica, presentou o relatorio ‘Batista no exilio: o retiro do tirano’ e Valeria González Lage, do mesmo grupo, o titulado ‘Triunfaron os rebeldes. Un recorrido histórico polos anos sesenta’. Xaquín Bermello Corominas presentou o relatorio ‘Camiñando cara a Tricontinental. A influencia cubana no Terceiro Mundo (1959-1966)’, intervención que deu paso a un coloquio moderado por Patricia Carrera Pérez. 

Pola tarde, o programa continúa a partir das 16.00 horas da man de Javier Colodrón Valbuena (HistAmérica) aludindo ao tema ‘O anarquismo cubano nos anos 60: da Revolución ao exilio’, a quen seguen Ruxandra Guillama Camba (HistAmérica) repasando a relación entre historia e cine na cuba dos 60 e Leticia Carrera Pérez (Galabra) para aludir ao caso de Silvio Rodríguez como exemplo dentro do Movemento da Nova Troba Cubana. Un coloquio moderado por Valeria González Lage precede á conferencia de Ana Gloria Chouciño Fernández titulada ‘Coas armas do humor. La guaracha dende 1959’. O coordinador do grupo Galabra, o profesor Elias J. Torres Feijó é o encargado da clausura do encontro.

 

PIE DE FOTO: De esquerda a dereita: Pilar Cagiao Vila, Ana Gloria Chouciño e Juan Blanco. Foto: Rosalía Quiroga

 
Unebooks

RTVE

Unelibros

Unelibros Otoño 2018

+ Unerevistas, suplemento electrónico

Unelibros Otoño 2018


Unelibros Primavera 2018

+ Unerevistas, suplemento electrónico

Unelibros Primavera 2018


Unerevistas

Unerevistas Otoño 2018

Suplemento electrónico de Unelibros

Unerevistas Otoño 2018


Unerevistas Primavera 2018

Suplemento electrónico de Unelibros

Unerevistas Primavera 2018


Colección UNE

La Revolución Google Scholar. Destapando la Caja de Pandora Académica

De Enrique Orduña-Malea, Alberto Martín-Martín, Juan M. Ayllón y Emilio Delgado López-Cózar

La Revolución Google Scholar


El ecosistema del libro electrónico universitario

I Premio Nacional de Investigación en Edición

El ecosistema del libro electrónico universitario


Calidad en la edición universitaria

De Alberto Álvarez Suárez

Calidad en la edición universitaria


Catálogos temáticos

II Salón del Libro Universitario UNE

II Foro Editorial de Estudios Hispánicos y Americanistas

Catálogo II Salón del Libro Universitario UNE