Entre o próximo 1 de decembro e o 15 de xaneiro de 2016, a totalidade dos libros que conforman o catálogo editorial da USC poderán ser adquiridos pola comunidade universitaria cun desconto especial do 35% sobre o seu prezo, dentro da campaña de Nadal coa que o Servizo de Publicacións, ademais de dinamizar e dar a coñecer as case trinta coleccións vivas que a editorial mantén na actualidade, pretende facer dos libros universitarios un motivo ideal para os agasallos de Nadal.
Como oferta especial, lémbrase que a premiada colección Clásicos do Pensamento Universal pode ser adquirida completa (agás esgotados) a un prezo de oferta de 250 euros.